അഗ്നിച്ചിറകുകൾ

ശ്രീ .എ .പി ജെ .അബ്ദുൾ കലാം എന്ന് ചുരുക്കി പറയുന്ന അവുൾ പക്കീർ ജൈനുലാബ്ദ്ദീൻ അബ്ദുൽ കലാം .അദ്ദേഹത്തിൽ നിന്നും കേട്ടറിഞ്ഞ വിവരങ്ങൾ ആത്മ കഥാ രൂപത്തിൽ തയാറാക്കിയത് മിസ്റ്റർ അരുണ്‍ തിവാരിയാണ് .അത് മലയാളത്തിലേക്ക് പരിഭാഷപ്പെടുത്തിയത് പി .വി ആൽബി .ഡി സി ബുക്സ് പ്രസിദ്ദപ്പെടുത്തിയ ഈ പുസ്തകം വായിക്കുന്ന ആർക്കും ജീവിതത്തിൽ ശുഭാപ്ത്തി വിശ്വാസവും ,നേതൃ പാടവവും പ്രകടമാക്കാൻ സാധിക്കും .ജീവിതത്തിൽ എന്ത് ചെയ്യണം എന്ന് തിരിച്ചറിവില്ലാതെ കറങ്ങി നടക്കുന്നവരെ വിസ്മയകരമായ പുതിയ ലോകത്തേക്ക്  കൊണ്ട് പോകുന്ന ഈ പുസ്തകം ഇന്ത്യൻ ശാസ്ത്ര ലോകം കൈവരിച്ച നിരവധി നേട്ടങ്ങളെ അതിനു വേണ്ടി അഹോരാത്രം പണിയെടുക്കുന്ന ശാസ്ത്ര വിദ്യാർഥികളെ നമുക്ക് പരിജയപ്പെടുത്തുന്നു.സാധാരണ ജനത്തിനു അറിയാത്ത ശാസ്ത്ര പുരോഗതിയുടെ വിവിധ മേഘലകളിലേക്ക് നമ്മെ കൂട്ടി കൊണ്ട് പോകുന്നു .

രാജ്യം  ആദരിക്കുന്ന ഉന്നത വ്യക്തിത്വത്തിന് ഉടമ ആയ ശ്രീ അബ്ദുൽ കലാം ,അദ്ദേഹത്തിന്റെ ആത്മ കഥാംശം പുതിയ തലമുറ അറിയേണ്ടതാണ് .സ്വന്തം അച്ചന്റെ കലപ്നകളെ എന്നും മഹത് വാക്യമായി കൊണ്ടുനടന്ന കലാം ,സ്വന്തം ഉമ്മയുടെ അടുത്ത് ഇരുന്നു പരിചരിക്കാൻ കഴിയാതെ പി എസ എൽ വി എന്ന ദൗത്യം ഏറ്റെടുത്തതിൽ വീണ്ടു വിചാരത്തിന്റെ ,പത്ച്ചാത്താപ വിവശൻ ആകുന്ന കലാം .തികഞ്ഞ ദൈവ വിശ്വാസിയും ഇസ്ലാമിക ദർശനം ഉൾകൊണ്ട കലാം .അതെ സമയം ഹൈന്ദവ ദർശനത്തെ ,ക്രൈസ്തവ ദർശനത്തെ ഉൾകൊണ്ട മഹാ വ്യക്തിത്വങ്ങളെ പിന്തുടർന്ന കലാം ,എന്നിങ്ങനെ ശാസ്ത്ര ലോകത്തിനു പുറത്ത് ഒരു മനുഷ്യനെ വരച്ച് കാട്ടുന്നതാണ് ഈ പുസ്തകം .


"ക്ലേശങ്ങളിലൂടെയും പ്രശ്നങ്ങളിലൂടെയും ഈശ്വരൻ നമുക്ക് വളരാനുള്ള അവസരം നല്കുന്നു .അതുകൊണ്ട് നിങ്ങളുടെ ആശകളും സ്വപ്നങ്ങളും ലക്ഷ്യങ്ങളുമൊക്കെ തകർന്നു വീഴുമ്പോൾ അവയ്ക്കിടയിൽ തിരഞ്ഞുനോക്കുക ,ആ തകർച്ചയുടെ അവശിഷ്ടങ്ങൾക്കിടയിൽ  ഒളിഞ്ഞു കിടക്കുന്ന ഒരു സുവർണ്ണാവസരം നിങ്ങൾ കണ്ടെത്തിയേക്കാം " ഒരു റോക്കറ്റ് പോലെ മനസ്സിനെ ഉയരത്തിലേക്ക് കുതിപ്പിക്കുന്ന  വാക്കുകൾ ആണ് ഈ പുസ്തകത്തിന്റെ അടിസ്ഥാന തത്വം .

വിവാദങ്ങൾ ഒഴിവാക്കി ലളിതവും എന്നാൽ മനസ്സിന്റെ ഉത്തേജനം സാക്ഷാത്കരിക്കുന്ന ഒരു ഉത്തമ പുസ്തകം